65架Thomas小火車 列陣進駐Mikiki

要坐火車唔使時光倒流返去坐九廣鐵路，依家去Mikiki行街街都做得到。Mikiki同新地商場今個月就請咗好受小朋友歡迎的Thomas小火車成個家族來港賀聖誕，連韓國國民BB秋小愛同老竇秋成勳都忍唔住要喺下個月4日嚟香港，親身感受下Thomas的魔力。

而下月3日起Mikiki就會化身佔地逾2,000呎的索多島，除咗車站一定唔少得的紅磚火車站、路軌、車棚同天橋外，仲有全港首次曝光的40輛別注版小火車駛入商場，同一粉絲開展新奇鐵道之旅。公關姐妹仲話，今次來港的小火車有成70輛咁多，單係Mikiki已經停泊65輛；剩低5輛會輪流喺新地旗下的屯門卓爾廣場、屯門錦薈坊、荃錦中心及荃灣新領域廣場停泊架，到時大家可慢慢欣賞啦。