太陽能助灌溉 石Sir請莊偉茵食有機菜

眾所周知，《經濟日報》副社長兼研究部主管石Sir（石鏡泉）除咗係資深股評人，閒時亦鍾意務農為樂，種植有機蔬菜，運送至社企發售。平日一貫行政人員打扮嘅中華電力企業發展總裁莊偉茵（Quince），前排亦換上輕裝，戴埋農夫帽跟石Sir參觀粉嶺嘅「築福農莊」。Quince今次來除咗即席品嘗石Sir摘下嘅有機西蘭花葉，亦去咗視察中電為農莊安裝嘅太陽能板。

先前中電為農莊安裝咗20塊高效能嘅薄膜太陽能板，接駁至中電電網，預計每年可產生超過1,500度電，佔農莊約一成用電量，支援照明及自動水泵灌溉設施，有助減少810公斤碳排放量，相等於在社區種植了35棵5米高的樹，讓農莊更環保。其實中電一向有為客戶提供免費太陽能評估，安排工程師實地視察，量度最佳角度幫手安裝。有關可再生能源服務，大家可以打去2678 2626查詢。