白松露飄香 恒生邀米芝蓮廚神宴客

「你去咗邊度食飯？有白松露歎、仲有Colette Lam唱歌，好正喎！」好姊妹月初喺fb見到黛安食白松露，念念不忘，前兩日見面忍唔住追問詳情。

講番當晚就難忘囉！該個咁精采嘅晚宴，其實恒生銀行為Prestige Signature高端客戶舉辦，請咗米芝蓮三星名廚、「白松露之王」Bombana Umberto去中環總行頂樓主持盛宴。最回味當然係大大顆價值幾十萬嘅白松露啦！

白松露之所以有「餐桌上的白鑽」嘅美譽，全因其矜貴獨特嘅芳香，襯托白松露嘅菜式味道不能太濃，否則會喧賓奪主。為咗畀來賓試清楚白松露嘅真味，Bombana特地設計四道簡單嘅菜式配襯：頭兩道菜分別係有機半熟蛋及手工幼條蛋麵，蛋同麵當然是其次，最具觀賞及品嘗價值係Bombana帶住佢嘅團隊，逐一走到200位食客餐桌前、刨下一片又一片松露嘅一幕，望住如雪落下嘅白松露散落碟上，香氣撲鼻而來、瀰漫整個大廳，嗰種享受真係沒齒難忘！甜品亦驚喜，Bombana揀咗清新嘅呍呢嗱雪糕配襯白松露，真係估唔到咁夾！

有得食有得玩 聽女高音

活動唔單止有得食，仲有得玩，會前可以去photo booth揀小道具，企喺虛擬布景下，拍攝出猶如置身陽光充沛嘅意國森林搵白松露嘅照片；中段亦找來著名女高音Colette Lam獻唱多首耳熟能詳嘅意大利民歌及歌劇。飯後個個都對恒生讚不絕口，大讚銀行唔單止喺理財同投資規劃幫到手，仲帶到好多生活品味畀客戶𠻹！