手機錢包可以用來搭的士啦！

相信唔少人同黛安一樣，有時趕時間搭的士，衝上車才發現自己唔夠現金，但以後唔使驚了！因為之後用手機「掃一掃」的士上的QR Code就畀到錢。

電子錢包Tap & Go拍住賞宣布伸延服務去到的士，乘客乘搭忠誠車行旗下100輛星群的士均可用Tap & Go付費，明年底仲會擴展去1,000部傳統的士，認真方便。據講的士司機大佬都好歡迎呢個新猷，忠誠車行執行董事鄭敏怡話，的士行業每日處理大量現金，司機將錢放喺車內都唔安全，相信用咗拍住賞後，就容易啲管理。

其實今時今日大家都開始習慣用電子錢包，政府發咗13個儲值支付工具牌照，香港電訊支付業務主管梁海儀（Monita）話話相信愈多競爭，更有助普及，佢仲估計當競爭程度去到某一個點，就會淘汰規模較小的公司，經過一段長時間，市場剩低約5間都唔出奇。