《U Magazine》旅遊大獎 星級達人齊聚首

唔少人鍾意趁長假期周圍飛認識世界，選擇服務稱心嘅旅遊機構，去玩一定「fun上加fun」！平時黛安經常睇旅遊生活雜誌《U Magazine》，上星期五更加出席咗雜誌舉辦嘅第4屆「U Magazine旅遊大獎2016」。今年主題係「空中派對」，大會特登揀喺天際100舉行，真係好有心思！

今年選舉規模係歷年之冠，涵蓋航空、旅遊服務及產品等範疇。黛安知道《U Magazine》此前就舉行咗為期4星期嘅全民投票活動，有超過10萬位市民投選共60個組別嘅心水旅遊品牌，反應非常熱烈！當日有過百位本港同亞洲旅遊界精英出席，見證大會頒發69個大獎，包括新增嘅「主題郵輪」、「旅遊產品——漫遊數據」、「手機網絡服務」等。

大會亦頒發「星級旅遊達人」畀杜如風、項明生、麥玲玲、謝茜嘉、胡慧沖等11位城中星級旅遊達人，表揚佢哋推動本港旅遊業的貢獻！