合家歡中西區節 玩遊戲睇表演

黛安最鍾意食、買、玩，但都會同屋企人閒逛中西區。不少電影經常在中西區取景，但大家對它了解有幾多？由本月20日到明年1月22日舉行嘅中西區區節，今年主題係「一家玩轉中西區」，有多20個活動，非常適合一家大細，仲可以增進感情！

區節原來是三年一度盛事，由中西區區議會、中西區民政事務處及第12屆中西區區節統籌委員會主辦，其中「紙皮遊戲日」就可讓小朋友發揮創意，以回收紙皮製作手工藝。還有精采藝術表演，例如「四圍跳：舞在中西區」和「四圍畫：繪夢畫家」，全部都係結合社區元素，透過舞蹈或繪畫街景分享藝術嘅喜悅。另外，為慶祝2017新年，1月1日仲有「繽紛樂韻賀新年音樂會」，邀請了中樂團及舞蹈團等表演。節目如此豐富，豈能錯過！