消防員迷你倉撲火 膺本年No.1英雄事迹

睇戲就睇得多超級英雄，其實我哋身邊都有好多英雄。新港城中心最近搞咗個香港巿民心目中的英雄人物調查，原來最多人認為最大嘅英雄係媽媽（70.7％）同爸爸（49.2％）；至於第3位，則由英勇撲火兼救人的消防員奪得。以事件劃分，今年在迷你倉大火中英勇殉職嘅兩位消防員，就得到9成人力撑係過去一年英雄事件嘅第一位，真係實至名歸！

英雄榜首 父母奪得

黛安同負責調查嘅香港研究協會副總幹事吳偉民傾開，佢話有九成人認為英雄要喺危難時展示勇氣作自我犧牲，仲要曾經救過人命，反映香港人好崇尚救人情操。

睇番今次調查，其實可以為港爭光都好重要，比如「神奇小子」曹星如之前攞咗20連勝，都係香港人眼中第二大的英雄事件，以體育事件打入英雄事件榜，真係一件唔容易嘅事。

講起香港情懷，自然唔少得人情味。今年4月，衞理中學校長藍正思借咗500蚊畀去錯考試場嘅同學仔搭的士，都成為港人眼中英雄事件嘅第三位。

黛安認為，只要肯踏出第一步去幫下人，其實人人都係Super Hero！。