黛安
黛安

麥加登與柯柏文 夥美女派禮物

發佈時間: 2016/11/09

麥加登與柯柏文 夥美女派禮物

昨日返到公司即刻嚇一跳,皆因撞見《變形金剛》裏面狂派、博派的Boss麥加登同柯柏文,佢兩個企正係辦公室路中心,幾驚佢哋一言不合繼而動武啊。好彩《晴報》同事夠熱情不斷求合照,感化到兩派boss一笑泯恩仇,攬頭攬頸和解干戈,仲聯手大派聖誕禮物。

同公關姊妹傾開,原來東港城都搞咗個《變形金剛》展覽,仲特登劃咗3,000呎地方,搭咗狂派同博派嘅基地,仲有成3米高的麥加登同柯柏文坐鎮,要加入邊派自己話事,記住下周六(19日)起至下個月27日前去朝聖啦。即場仲有免費PS4《變形金剛》遊戲試玩,粉絲仲可以「變身」,以互動遊戲着埋變形金剛嘅盔甲,逢周五、六及日又可以試玩80年代的經典變形金剛玩具,滿足度爆燈。

撰文: 黛安 消息特靈八卦公關
欄名: 八卦名利場