卡塔爾航空飛歐洲 2人同行坐商務艙半價

搭長途機坐得舒服最重要，昨日收到電郵，原來卡塔爾航空出咗商務艙價惠，兩個人搭飛機只收1位價錢，認真超值！不過，要訂咁筍的優惠，自然要爽手啲，事關優惠期由即日起去到下星期一（7日）咋！好彩出發日期夠長，可以由今個月15日起，揀到出年6月15日，聖誕、新年，甚至復活假出國玩都用得着。

上網睇過，平時由香港飛去法國，商務艙都收緊成2萬至2.8萬港元一位（未連稅，下同），今次優惠往返歐洲、非洲，二人同行價都係3.1萬元起，去中東亦只係3.57萬港元起，美洲則由5.3萬港元起，真係不能錯過。