莫扎特誕生260周年 年輕樂手沙田獻曲

今年係古典音樂神話莫扎特260周年誕辰，為紀念一代音樂界巨人，沙田新城市廣場昨日起至11月13日其中四個周六、日，都會舉行「Music In Town」年度音樂盛事，唔單止同多個音樂單位合作，仲會以Jazz、Rock、Electronic、Tango等現代音樂風格，重新詮釋莫扎特的經典樂章，務必讓各位音樂愛好者聽出「耳油」。

昨日嘅音樂表演由二胡王子朱芸編、8歲鋼琴小神童李佳琦，同埋擁有鋼琴和小提琴演奏級第二級、20歲的羅瑋庭創辦的年輕弦樂組合拉開帷幕。事後羅瑋庭同黛安講，今次係成立樂團演出過50多場表演以來，最難忘及最有滿足感的一場，「由籌備到演出花咗兩個月時間，見到現場幾百名市民好安靜咁用心欣賞，再報以熱烈的掌聲，真係好有鼓勵作用。」