半價賣iPhone MegaBox收益做善事

半價買iPhone 7？無錯，真係有咁大隻蛤乸隨街跳！MegaBox兩星期前係網上舉辦嘅「家居電子節」，好多貨品都低至一至五折發售，包括激筍嘅IKEA三座位梳化，一折價249元，而iPhone 7及iPad Air亦分別以五折開賣，分別係2,749元及1,544元，平到笑啊！難怪開放預訂2分鐘就全部被掃清。

昨日一班成功搶購嘅市民就來領取心水貨，黛安行過見到場面極之墟冚，順道同MegaBox總監文靜芝打招呼，恭喜佢活動咁成功。佢話今年首次搞網上訂購，都係唔想客人排通宵隊搶買筍貨咁辛苦，仲透露會將約5位數嘅收益，捐畀香港救助兒童會，唔少客人都話買嘢同時又行善好開心！