旅發局拍片講美食 導演叫Cut 名廚吃不停

為「省靚」香港好客之都的金漆招牌，旅發局最近拍咗4條短片宣傳香港！同旅發局主席林建岳傾開，佢話短片陣容鼎盛，包括影帝劉青雲、歌手陳奕迅、王敏德夫婦，仲有米芝蓮3星名廚Umberto Bombana、名食家蔡瀾都有份做主角。

岳少搵唐唐推介紅酒

打響頭炮的是由「白松露之王」Bombana與一眾飲食名家介紹美食短片。岳少大爆喺香港生活20年的Bombana，拍攝食雲吞麵時，導演叫咗cut，佢依然食唔停，證明碗雲吞麵好味！

講起旅發局餐飯，岳少除咗拎出3支私人珍藏嘅白酒公諸同好，仲悉心安排烤肉、焗蟹蓋、煎帶子等美食，其中「紅酒專家」唐英年推介一支2010年的西班牙紅酒需配上烤肉一同品嘗，真係令人齒頰留香，十分回味！