澳式芝蛋安格斯漢堡 下周麥記有得食

有「廚壇魔術師」之稱Christian Yang煮嘢食叻人人都知，呢排黛安收到風，原來Christian再同麥當勞合作，整咗款全新的澳式芝蛋安格斯漢堡，下個星期三（19日）就有得食啦﹗不過要留意，個包要朝早11點後先有得買架，仲係期間限定㗎。

Christian仲話，原來澳洲人勁鍾意喺漢堡度加白芝士、雞蛋同奶油芝士醬，成個口感「滑嘟嘟」，再配埋惹味洋蔥碎同好fresh的彩菜絲，成件安格斯牛肉的肉香都咇晒出嚟，真係要學味王講聲「好好味啊﹗」Christian仲話，佢細細個已經係麥當勞的粉絲。佢又提今次整包最辛苦係個醬汁，諗咗好耐，最後決定用肉汁風味醬，因為佢先係Perfect match喎！