本土農產品×奶奶秘方 港媽自製手工醬

作為一位香港人，工作日程排到密密麻麻，經常出街食飯，有時候都會好掛住啲住家飯。前一排就好驚喜地，收到Nicole's Kitchen的幾款鹹味住家靚醬，忍唔住講句：「好有媽媽的味道！」

Nicole約9年前喺馬來西亞嫁來香港，後來生咗個囝，為咗佢嘅健康研發手工果醬，最近仲出埋鹹味醬料，黛安覺得味道好唔錯，仲放一支喺公司「送飯」。打去畀Nicole問點整，佢透露豆豉蒜蓉辣椒醬係佢奶奶的獨門秘方，已經食咗30至40年咁耐！佢話港人日忙夜忙，好少返屋企食飯，希望透過呢樽醬將屋企的味道傳遞畀大家。

唔好以為一樽醬好易整，原來都幾花工夫，她話過程用咗兩種蒜頭，剝蒜時喊晒口。

另外，Nicole特別推介芝麻黃薑油，靈感源於一次的台灣之旅，無意中食到當地的黃薑油，啟發她加入芝麻及元朗本土種植的黃肉薑，佢仲話畀我知，黃薑是女人的恩物，有補血養生的功效㗎！