$388歎2人可樂Tea set

話畀大家知，黛安其實係個可樂迷，最近聽到兩項可口可樂的新動向，簡直興奮到跳起！其一就係得知太古的東隅酒店大廚，以可樂入饌，創作多款美食：例如二人分量的下午茶餐，除咗有法式可樂多士三文治等，仲有可樂雞尾酒，下星期日（16/10）起逢星期日有得食，兩個人盛惠388蚊。

另外仲有半自助晚餐，提供慢燜可樂牛腩、可樂雞翼、可樂火腿扒同可樂漿炸魚薯條等，當然唔少得紅白色的精緻可樂甜品，食完成個人實好Coca Cola。晚餐由10月18日至11月24日逢星期二、四推出，每位538蚊。現場仲擺放咗唔少可口可樂古董畀可樂迷朝聖㗎。

另外，最近可口可樂喺香港獨家首發鋁合金USB開瓶器，有紅色原味、銀色嘅健怡可樂同埋黑色嘅Zero三款，作為忠實粉絲梗係要買番個支持啦！