成功挑戰3米竹棚 Tiger Beer獎你啤酒

今日去銅鑼灣怡東廣場即係世貿中心對出，會見到一個3米高竹棚，竹棚原來係「戶外酒吧」。不過，想飲到酒，先要你有「是敢的」精神！其實呢個係啤酒品牌Tiger Beer活動，從香港傳統竹棚搭建得到靈感後，品牌將竹棚變身挑戰項目，鼓勵港人發揮敢想敢做精神，嘗試克服對高度恐懼，徒手爬上去。

戶外竹棚有兩個高度攀爬平台，參加者可以選擇徒手爬到1.7米平台再從樓梯行去；或者直接挑戰3.1米平台，試下做竹棚勇者。爬到平台後，可以自拍再放上Instagram，同hashtag「#uncagetigerhk」，落番地面之後，品牌會即場幫你print番張相，再送你「是敢的」勳章，同埋獎你一罐Tiger Beer！溫馨提示，參加者要年滿18歲架，品牌到時會搵專業攀爬導師駐場指導，大家記得着番對舒適嘅鞋先去！