屍殺列車《晴報》停站 嘩鬼入侵編採部

「頭先勁驚！好專心咁打緊稿，枱頭有隻血淋淋嘅手伸向我！」《晴報》編輯回想剛才情景，聲音還有點抖震，黛安當時不在場，聽到對方分享卻覺得很有趣。

呢班血腥嘩鬼邊度嚟？原來係最近人氣高企嘅電影《屍殺列車》所派出！呢套電影就認真巴閉啦，事關部戲自上月喺南韓公映以來就不停創造紀錄，上畫未夠廿日就錄得逾千萬的入場人次；來到香港勢頭延續，票房好快突破女神全智賢主演的《我的野蠻女友》，成為香港史上最賣座的韓片。或者因為電影成績太好，令班嘩鬼亢奮起來，四處謝票，結果反而嚇親更多人吧！