女神舒淇的嫁衣 原來有好多款㗎！

邊個話明星結婚一定要奢華，簡單平實都是美。女神舒淇同馮德倫上周六結束愛情長跑結婚，二人除咗講明不會大排筵席，新娘子所披嫁衣亦只是你同我都會買嘅瑞典平民品牌H&M。該套睇到女士們「心心眼」嘅平價婚紗，屬於Conscious Exclusive呢條line，係H&M早兩年送畀女神嘅，價錢3,990元。

查實呢條line近年亦有繼續投產，今年四月就新推逾30件服飾，仲喺巴黎羅浮宮展出過㗎！最特別係當中三件限量版婚紗，選用再造玻璃珠飾嶄新物料，滿載古典氣息，可惜已被搶購一空，想同女神一樣着上同一系列嫁衣，就要𥄫實品牌動向啦！