領展搞美食單車團 「鐵血女車神」都撑

立秋之後，開始感覺到秋意，最宜外出散心。如果食完美食仲可以做下運動減肥，咁就perfect了！原來要做到一啲都唔難，嚟緊10月同11月領展就會搞兩團「美食單車遊」，由專業領隊帶大家踏單車途經吐露港、元洲仔、沙田等地，去睇歷史文物同大自然生態，行程約兩三個鐘，包保做足運動，連「鐵血女車神」黃蘊瑤都撑。

領展公關仲話，到時會安排參加者喺沿途商場免費試食，真係有得玩又有得食。想參加的朋友記住即日起至11月6日係領展指定商場度買夠100蚊嘢，拎番張報名編號證，再喺10月10日同11月6日前去指定網站登記，就可參加。