天晉滙坐甲蟲開篷車 戶外睇電影

坐甲蟲開篷車在戶外睇電影，你試過未？新地PopWalk天晉滙昨日開幕，聽公關姊妹講，今次新地「搞搞新意思」，趁開幕期間，在擬建的綠化公園位置設立LED大屏幕，只要顧客一張單消費滿300元，便可安坐開篷甲蟲車或開篷巴士內，甚至自行駕車到該處，欣賞《電影版妖怪手錶：誕生的秘密喵！》。為慶祝開幕，昨日和今日分別會上演兩場電影，觀眾可以歎住小食拼盤同汽水睇戲，還設芭蕉扇供消暑，恍如置身真實電影院！

新鴻基地產代理租務部總經理鍾秀蓮講起，天晉滙外擬建75萬平方呎的綠化公園，由中央位置伸延到海濱，形成綠色長廊，打造全新購物消閒體驗，仲話睇準整個將軍澳區家庭結構以有小孩的家庭為主，走家庭式路綫，預計整個天晉滙系列2018年底全面投入服務。