《晴報》我最喜愛BB大募集 反應佳收4,000張相

好姊妹年前生咗個B女，肥嘟嘟好可愛，不時同友人分享她的鬼馬照片。早前她幫BB報名參加《晴報》舉辦的「我最喜愛BB大募集」，仲成功獲獎！上星期四我都有同佢一齊出席頒獎禮，分享喜悅。

其實頒獎禮今年已是第四屆舉行，今屆反應一如以往熱烈，共收到約4,000張BB相。除了頒發Baby of the Year 2016及多個我最喜愛BB大獎，大會還設有15個特別獎，包括最喜愛的餅印BB、最鬼靈精怪BB等，睇到咁多得意的相，個心都融化了。

經常在電視機前表演魔術的Harry哥哥是當日大會嘉賓，原來他有三個仔女咁多！大仔係鋼琴家，二女係律師，至於細仔仲讀緊書，有時會同佢拍住上、父子檔表演魔術，真係sweet。

除了頒獎畀BB，大會同場舉行「我最喜愛嬰幼兒及家庭品牌大賞」頒獎禮，得獎品牌都係實至名歸，在此再次恭喜各位！