新聞處長開金口 賀東華三院賣旗

噚日黛安喺東華三院嘅午宴遇到兩個surprises，好想同讀者分享下！話說午宴請咗上個月由商務及經濟發展局，調去政府新聞處做處長嘅黃智祖（Joe）做嘉賓，以往官員出席活動，好多時只係致辭，噚日阿Joe卻喺東華三院長者突如其來邀請下，走咗上表演台獻唱，估唔到佢又唱得幾好喎！結果獲得唔少掌聲，此乃surprise之一。

第二樣surprise同東華三院今日賣旗有關。過去賣旗，啲旗仔好多時只係白色貼紙加個Logo，但東華三院就好有創意，搵本地插畫師Plastic Thing設計咗三款顏色同造型搶眼嘅心形旗仔做善事，推廣旗下三間社企。無諗過原來籌款嘅旗仔都可以咁fashionable！聽東華三院主席馬陳家歡（Katherine）講，佢同Plastic Thing舊年開始合作。佢仲話對今年賣旗好有信心，預計呢幾支咁得意嘅旗仔可幫機構籌到超過600萬善款。