KFC搞新意 開學日辦火鍋之夜

炸雞一向都是肯德基（KFC）的生招牌，不過最近KFC居然「撈過界」，賣炸雞之餘，仲搞埋打邊爐，又真係估你唔到咁有新鮮感喎！

公關姊妹噚日告知，KFC將於今個周四的開學日（九月一日晚上六時），在灣仔298電腦特區分店首次推出日式火鍋，分別有牛肉鍋及海鮮湯鍋兩款口味，配珍珠米飯同汽水，價錢承惠49.9元，都幾經濟；加上近日天氣涼咗啲，認真適合打邊爐。

餐廳知道港人為食，所以除咗兩款湯底之外，大家仲有得加料：有牛肉、芝士竹輪卷、仿蟹棒、白菜豬肉水餃等十幾款選擇，每款由3至19蚊不等，快啲嚟開餐啦！