新地中秋送暖 9商場回收月餅轉贈基層

佳節將至，準備同家人朋友相聚之餘，大家都可以關心一下社會上有需要的人。新地九大商場，分別同食物回收組織「食德好」以及慈善團體「點滴是生命」合作，把握中秋前夕向市民收集月餅，再由義工喺節日前轉贈畀本港低收入家庭或獨居長者，等無力負擔應節食品嘅基層市民都可以歡渡中秋。

講番回收詳情，各商場顧客服務中心會有回收點，包括Mikiki、將軍澳中心、屯門錦薈坊、荃錦中心同新領域廣場，同專注建設水設施嘅「點滴是生命」合作，8月27日至9月8日接受大家捐月餅。另外，wtc more世貿中心、東港城、上水廣場同屯門卓爾廣場就同食物回收組織「食德好」合作，回收日期係9月1日至9月14日。

新地處理捐贈物品態度好嚴謹，確保月餅會妥善回收同送到有需要的人手上，減廢同時為弱勢社群送上祝福。