香港航空1100張機票 獎勵傑出學生

香港航空成立10周年，公關話品牌自2014年推出「飛越雲端•擁抱世界」中小學生贊助計劃，用機票獎勵學業等範疇有傑出表現嘅中小學生。品牌趁住周年，仲將大學同社福機構納入計劃，向總共55間機構各送出20張免費來回機票，夾埋有1,100張。

香港航空首席運營官王證皓話，希望透過計劃年輕一代敢夢、敢想、敢飛，又話品牌都會繼續投放資源，舉辦更多青少年受惠嘅活動。聽講今次旅遊目的地除澳洲黃金海岸、東京，11月首航嘅新西蘭都有得揀。鼓勵到有好表現嘅學生，仲可以幫新航綫宣傳，真係一舉兩得。