最愛飲罰酒

2天前

從來認為，藐人、踩人、負評人是最容易又最不負責任的所為，嘰哩呱啦地齋鬧一餐，型喎，然後完。盡量提醒自己少做、避免做。誰知上星期竟然因為L'OCCITANE白皇后成日騷擾人的「失德」行為，而撰文批評一番，毫無建設性；事後一直耿耿於懷，話晒見佢咁多次，始終有感情……

幸好有市場界特約情緒疏導專家何姑娘，喝着白桃特飲，共同研究一番。結論是，網上廣告日播夜播不是重點，強迫收看足本也ok，只要弄得有創意、有心思一些，就值得欣賞，而非煩厭。例如同一個廣告，最重要的頭五秒可以有幾個版本嗎？既然用得王苑之，開場對白可以不同呀：「又見面了，陪我行多次花園好嗎？」「我今日改咗髮型，留意到嗎？」「我同白皇后一陣都要追劇，唔會阻你好耐。」

最後，估中有幾多個版本，仲可以送產品試用裝呀！

Awareness要高，但Liking指數也不能少，有趣又charm的白皇后，見多幾面也沒所謂。

3年前

Creative Solution實在太重要。

每星期一早上9時正，公司小組例會。往往臨時收到這類短訊：「塞車呀，遲20分鐘。」甚至「今早唔舒服，不要等我。」對於永遠準時出席的同事們，太不公平，也欠尊重；白等期間，憤怒在會議室中燃燒！「咁大個人仲要鬧嗎？」「改10點開會，情況會改善嗎？」

M忽發奇想，交出絕世好蹺：Champagne Punishment！凡遲到者、理由欠充分證據而缺席者，一律罰香檳一支！從此，不準時出席率幾近0％！就算有人遲到，大家都只有拍掌歡呼而非怨憤不滿。「3、2、1！夠鐘！9時01分！！多謝同事P！」年終結算，一次過請晒全公司暢飲「罰酒」，換個玩法，壞事變好事。Cheers！

（本欄逢周二刊登）