美棋BB夥李施嬅陳霽平 做廣告代言人

護膚品牌做宣傳，代言人好重要，想target唔同年齡顧客，一個代言人可能唔夠數。

瑞士護膚品牌Méthode SWISS係莎莎旗下獨家發售嘅品牌，收到公關消息，品牌最近好揼本，一口氣邀請三位美女做代言人，由李施嬅（Selena）、黃美棋同陳霽平（Maria）演繹唔同年齡層女性嘅生活態度，同分享各自護膚心得。

拍廣告時，活潑好動嘅美棋BB喺鏡頭前每分每秒都散發青春活潑氣息，公關話拍攝現場笑聲不斷，充滿歡樂。聽講拍廣告時，Selena啱啱過生日，提起幾位圈中閨密、「胡說八道會」成員送上鮮花，心情靚爆，狀態大勇，攝影師都話輕鬆「Good Take」！

搵咗三位靚女拍廣告自然要隆重其事，莎莎企業策劃及發展總監陳郭詩慧（Melody）就親自去咗探班。聽公關姊妹講，三位代言人都好專業，拍攝過程好順利之餘，鏡頭背後Melody仲同佢哋一齊睇相，討論拍攝效果，務求揀出最佳作品。拍完廣告後，Melody仲為三位靚女送上鮮花，認真sweet！

講番佢哋護膚心得，Selena話品牌瑞士溫泉保濕噴霧係秘密武器，無論幾攰，噴一噴塊面就潤番晒。美棋BB就話工作咁忙，要保持對眼夠精靈，最緊要敷番塊睡眠眼膜。至於Maria就話活膚精華霜好緊要，因為要保持青春活力！