劉鳴煒跳踢踏 「劉小華」教跳舞

青年事務委員會主席劉鳴煒表演踢踏舞、人稱「劉小華」嘅劉皓嵐教跳舞，咁熱鬧嘅活動，原來係YO協青社第三年舉行《周大福珠寶呈獻YO Dancical協青街舞劇2016》。為表支持，劉鳴煒親自上台表演，仲話自己係「由零開始」，苦練兩個月嘅佢，獲得唔少獎聲。劉小華都好勁，同街舞劇主角阿齊、小肥一齊即席教跳舞，觀眾個個睇到拍爛手掌。

聽講今次街舞劇由「YO Dancical 2016」項目統籌及執行監製紀文鳳負責，連政務司司長林鄭月娥都有去撑場，原來林司長今年已經第三年出席YO Dancical協青街舞劇，仲話協青社多年來協助青年人提高自信，呼籲大家都要繼續支持香港青年人健康成長。今次表演仲有一個亮點，就大會首次邀得「2015年十大傑出青年」及「好戲量」創團藝術總監楊秉基（Banky）友情編導，為街舞表演注入戲劇元素。