Samsonite旅行箱加追蹤功能

去旅行唔見行李係每位旅客嘅噩夢！旅行箱品牌Samsonite推出運用beacon技術藍牙裝置Track&Go，Samsonite旅行箱有咗呢個裝置嘅，配合手機程式，用家就可以隨時追蹤旅行箱位置。首批安裝Track&Go旅行箱年底率先喺歐洲市場發售，再陸續喺其他國際市場推出。

呢項技術仲有一個亮點，用家下載Samsonite手機程式Travlr，登記後可查到70米以內旅行箱位置，有用程式嘅所有用戶仲會組成「社區」，如果旅行箱唔見咗，用家可以標示「遺失」，其他有用程式嘅用戶如果身處遺失旅行箱附近70米，程式會接收到訊號，幫物主搵到旅行箱位置同出現時間等詳情。