奇華新廣告 心悠BB延續溫馨故事

提起奇華餅家嫁喜禮餅，大家都記得女神劉心悠做代言，噚日喺朗豪坊見到心悠BB、奇華董事總經理黃錫祥（Kevin）同奇華執行董事黃嘉信（Karlson），原來佢哋一齊睇心悠做主角嘅最新廣告。廣告入面，心悠BB延續上一輯故事，兩小口將迎接新生命，兩個人默默為對方付出，睇到都覺得溫馨。Kevin大讚心悠：「佢對我哋（奇華）好好，人又乖女又靚女」。當大家關注心悠姻緣，Kevin就話，「第時心悠嫁，我就當嫁女咁做，一定要更加用心幫佢做到最好！」

除咗新廣告，品牌最近仲推出新嫁喜禮餅系列，擴大市場話要吸引年輕一族，Kevin望一望身旁的姪仔、負責營銷及市場推廣嘅Karlson，笑說：「廿幾年前由爸爸手中接棒，我係第二代，依家要籌備交棒畀第三代」。打開噚日新鮮「出爐」面嘅「熊貓嫁喜禮盒」，唔係平常見到嘅傳統酥餅，而係熊貓曲奇、蝴蝶酥等新款配搭，好有新鮮感。

Karlson話，總結銷售數字同顧客意見，發現熊貓主題好受歡迎，新推出禮盒包裝同50蚊嫁喜禮券都用咗可愛熊貓設計，個個都話可愛。睇真啲，禮盒仲有款新產品--士多啤梨味熊貓曲奇，食落口就明白，點解Kevin成日強調「奇華嘅餅用心做出嚟」，味道、口感會話畀你知，係唔同啲！