水中逃脫術 睇到「個心離一離」

台下掌聲不斷，觀眾離場時笑咪咪，相信就係對表演者努力嘅肯定。上星期開始，香港文化中心上演由世界級魔幻大師團隊打造嘅《魔幻之旅》，一邊睇一邊拍手，中間忍唔住拍拍心口，細細聲講咗句「嚇到個心都離一離」！表演有7個環節，魔術部分唔仔細講，廢事「穿蹺」。想分享逃脫術師Krendl嘅表演，其中一part被困水中，好緊張！Krendl話：「作為逃脫術師，有責任將驚險刺激元素真實呈現觀眾眼前。水中逃脫呢個環節不涉及任何幻象」，呢種相信就係表演者驕傲！