MOKO新世紀 Marvel英雄對決！

英雄駕到！Marvel超級英雄電影《美國隊長：英雄內戰》下周三上畫，睇電影前，MOKO新世紀廣場推出，以電影做設計主題嘅Hot Toys期間限定店，同大家熱身。Pop-up Store搵Hot Toys打造4個比例1︰1原大嘅人偶雕塑，有Captain America（美國隊長）、Iron Man（鐵甲奇俠）、Ant Man（蟻人）同War Machine（戰爭機器），紅、藍陣營英雄強勢列陣。

去到展覽現場，除咗同4個型爆雕塑影相打卡，唔可以錯過現場有好多款主題精品。聽公關姊妹講，Hot Toys仲特別提供兩款比例1︰6嘅會場限定版珍藏人偶，分別係「內戰別注版美國隊長」同「復聯別注版紅女巫」。美國隊長限量300個，今日開始公開接受預訂，預訂價$1,480；至於紅女巫限量500個，下星期一先開始預訂，預訂價$1,430。

聽Hot Toys姊妹講，品牌出品嘅figure除咗配合主題，粉絲最鍾意其中一點，係figure頭像像真度高，「兩款別注版仲有一個特點，好似電影入面咁，經歷戰鬥，衣服同裝飾整番個效果」。