STACCATO搵鄭秀文 變身星級造型師

鞋履品牌STACCATO再搵天后鄭秀文（Sammi）拍廣告，今年品牌話要搞搞新意思，搵Sammi拍攝No. 18系列硬照之餘，仲做埋星級造型師。

公關話，STACCATO慶祝成立18周年，推出No. 18系列，Sammi同佢嘅團隊，就負責幫名模樂基兒同內地知名藝人朱珠配襯春夏時尚造型。Sammi平時打扮已經好型格，佢有份打造嘅春夏look，當然唔會令大家失望啦！

講番No. 18系列，公關姊妹話，經典尖頭鞋款，無論緊身牛仔褲定西褲都fit；而露趾高踭鞋款就最啱襯裙！值得一提，係其中一款，鞋上面最新設計方扣，扣上面代表品牌STACCATO嘅ST字形，特別用咗SWAROVSKI水晶，行起路上嚟夠晒bling bling，心情都靚啲！