虛擬實境 360度睇澳洲海岸綫

帶你眼睛去旅行，未出發睇片都興奮？澳洲旅遊局噚日宣布推出《心看澳洲海岸線》，透過360度虛擬實境科技（VR），話要將澳洲獨特海洋體驗同海岸風光，帶到大家前。睇完可以望梅止渴？答案係未必，走上旅遊局特別準備嘅流動海岸車，戴埋VR顯示器，可以睇到17段澳洲唔同地區海岸美景短片，睇完即刻想買機票去澳洲！

唔講唔知，澳洲旅遊局未來幾個月，預計投放超過4,000萬澳幣喺世界各地推出《心看澳洲海岸線》，宣傳「澳洲盡是不同」。聽講旅遊局搵咗飾演「雷神」嘅澳洲籍國際影星基斯漢斯禾夫成為計劃環球推廣大使，雷神仲特別為全新宣傳短片獻聲，向全球旅客介紹澳洲魅力。澳洲旅遊局北亞區總經理何安哲（Andrew Hogg，圖）隨便數數，都有唔少港人去澳洲鍾意活動，好似昆士蘭大堡礁潛水、單車環遊坎培拉等。咁多地道體驗，唔怪得數據話「六成半到澳洲旅遊港人話會再次重遊」啦！