迪士尼飛越太空山改裝 「星戰極速穿梭」6月11日啟用！

香港迪士尼樂園的明日世界園區換新裝，之前講過換裝以電影《星球大戰》做主題，遊樂設施「飛越太空山」仲會改裝成星戰主題「星戰極速穿梭」，最新消息指6月11日啓用啦！坐上新設施列車，大家就會化身「電影主角」一樣，坐住戰鬥機穿梭星戰場景，聽講樂園重新製作咗一段星戰主題的影片𠻹。

黛安仲收到風，「星戰極速穿梭」外嘅太空驛站紀念品店，會有多款星戰主題商品，加埋光劍DIY專區，有26款唔同光劍配件，等大家自由組裝個性化星戰光劍，有唔不同顏色劍身、唔同款劍柄、發射器等，光劍售價由198蚊到238蚊都有。

香港迪士尼樂園商品營運綜合策劃經理陳偉賢（Justin）話，每逢迪士尼旗下電影上畫，都會帶動產品銷售。好似舊年底推出一系列星戰產品，星戰光劍銷情最理想，舊年十月至今已經賣出大概一萬三千把。佢仲話，樂園今個月起，會陸續加推多款星戰相關產品，估計今個夏天會有230幾款星戰產品，包括兒童玩具、精品、手辦人偶。