迎接歐洲球壇盛事 維他撐球迷 推別注版包裝

香港球迷鍾意睇波，為支持心愛球隊，買番件球衣係基本啦！四年一度歐洲球壇盛事又到，VLT維他檸檬茶作為香港人最喜愛的飲品之一，梗係有搞作！聽公關姊妹講，VLT x Futbol Trend「撐球迷撐出面」連串宣傳活動最近揭開序幕，維他奶香港行政總裁齊松（Charles）就話，球迷係賽事靈魂之一，「再精采球賽、再出色球隊，無球迷支持就差啲氣氛」。

品牌2014年已經同Futbol Trend合作，今年再接再厲，球迷珍藏13款「撐出面」別注版包裝外，品牌仲同知名足球概念店Futbol Trend有連串活動，例如即日起到6月30日，球迷憑購買VLT飲品發票到Futbol Trend，買歐洲國家隊球衣就有100蚊現金折扣！