麥當勞×梳乎蛋 「飯TASTIC」新口味登場

上次同麥當勞姊妹傾偈，講起品牌同唔少卡通人物crossover，唔知嚟緊會同邊個合作？姊妹笑住話，期待一下啦，轉個頭就有消息啦！原來係Sanrio人氣王之一梳乎蛋Gudetama，望到佢懶懶閒個樣，心情都靚啲！

公關透露下星期四，銅鑼灣廣場二期麥當勞會變身做梳乎蛋主題店，粉絲準備好未？心急想見梳乎蛋，後日開始要試下陸續出場美味雞蛋料理，好似全新「飯TASTIC」系列，包括「親子蛋飯TASTIC」同下個月出場嘅「肉醬蛋牛飯TASTIC」，睇相已經有啲肚餓。率先登場親子蛋飯TASTIC，上下兩層係有醬油香、加表面焦香嘅香菇米餅，夾住香脆雞塊同栗米蛋餅，加埋荷蘭風味醬、蛋黃醬，唔怪得佢哋話食完要講講句fantastic！