《星星探親團》 展現藝人另一面

講起明星，好多人好奇鏡頭背後佢嘅係點，最近網民熱烈討論TVB節目《星星探親團》，之前十優港姐麥明詩返英國引起唔少話題。前晚睇咗澳紐篇，睇完想講「估唔到佢係咁」，講緊宋熙年（Sarah），平時見佢多數係活動做主持，表現斯斯文文，點會估到佢有咁百厭一面。

節目入面，Sarah帶未婚夫陳智燊（Jason）返家鄉悉尼認識佢嘅過去，名正言順「拍拖更」。作為觀眾，睇到佢哋甜蜜互動都幾touching，但感動位唔止呢個，睇到Sarah返中學見朋友，拎住本相簿講到喊，諗起讀書嘅回憶都即刻有啲眼濕濕。

聽講澳紐篇「下半場」有蔡思貝（Sisley）接棒，預告入面佢講起當年一個人離鄉別井求學，相信都催淚，今晚10點半要拎定紙巾睇先得啦。