用快的App Call 7仔輕盈套餐外賣

7-Eleven同滴滴出行密密合作，好似大家首次用滴滴旗下手機App「快的打車」call車，可以得到7-Eleven「7-Fans」88蚊電子現金券。活動反應熱烈，兩個品牌再合作，今日同聽日、下星期三同四，分別喺金鐘、中環、太古坊、太古城，銅鑼灣同觀塘舉行大型活動。現有用戶同新用戶喺快的App撳「預約」，喺「備注」功能揀「要7-11輕盈套餐」、再將起點同終點設定相同地點，有機會獲得快的專員送上77-Eleven輕盈套餐一份，名額2,000份。

滴滴出行香港城市經理吳澍基話，今次合作同之前「日本直送熊本草莓」一樣，希望用獎賞鼓勵市民善用應用程式。7-Eleven香港及澳門營銷及巿務部董事楊樂詩就話，「近年輕食文化大行其道，7-Eleven積極推出一系列營養之選，期望輕食文化能進一步推廣至不同顧客群，鼓勵大家同享美味健康生活。」