屋企柴火燒糭

雅荷塘位於廣州老城區，旁為德政北路，連鎖店真知味對面。

未知從前這裏是否真正的荷花塘，但現在是一條長巷，標準嶺南巷里設計，麻石板鋪設的小路。

來雅荷塘，當然是為了食。自從年前嘗過大廚轉隱世私房菜主人何師傅的滋味後，便一再回去不下五、六次。久未回廣州，約同粵港好友十多人飯敘，途經見街坊阿叔於巷中清洗包糭葉，以為五月節快到，準備住家糭應節。回頭到車子取物，見阿姨於巷邊擺賣，小小卡紙書明鹹肉糭糯米、鹹肉、鹹蛋、瑤柱等等內容，雖然外表比一般糭略細小，但住家製作柴火燒出，才賣人民幣五元一隻，忍不住與阿姨攀談。

阿姨姓馮，每年大概這個時間便會與同為退休人士的丈夫，夾手夾腳，每天炮製柴火燒製的Home Made 糭子，就地於門口發售……才百多隻，日日不夠賣，街坊熟人老早訂購，餘下小量讓有心人途經享用。

她認得筆者來自香港，立即搬出精品系列，八蚊一隻，兼提醒：「不少港客託親友來訂貨，讚我們不用味精、用料足、不肥膩，兼屋企製作，用柴火燒，香港十分難找呢！」

買了兩隻，拎到何師傅店內試味，嘩！果然不同凡響，平實又美味，立即折返原路，買了50隻，買光了當天quota，帶回港分贈親朋！

（本欄逢周三至五刊登）