15呎高憤怒鳥現身MegaBox！

今個暑假好多爆笑電影，改編自芬蘭手機遊戲《憤怒鳥》嘅《憤怒鳥大電影》下星期四上畫，噚日九龍灣MegaBox就率先開party.MegaBox總監文靜芝仲帶埋電影主角阿雄、阿查及阿爆率先亮相，一見到就覺得好親切！

文靜芝話，今日開始到7月尾，商場將電影場景換到去L5，有超過15呎高嘅主角阿雄、佢班朋友阿爆、阿查同電影入面隻「大壞豬」都變埋立體雕塑，睇見心入面狂呼「好打耳」。L5仲有個「憤怒鳥AR攝影區」，用智能手機掃描特定AR code，立體阿雄、阿查、阿爆同大嚿就會現身手機畫面，同佢哋影大合照有機會贏獎品𠻹。

電影入面經典背景，超過12呎高巨型椏杈同20呎高鳥屋都搬埋去MegaBox，有無玩過《憤怒鳥》呢個game都會想去影相。