Chanel音樂巡迴香港站 Fashion Walk開Party

化粧品同音樂有咩關係？CHANEL全新品牌體驗活動，「CHANEL ROUGE COCO ON TOUR音樂巡迴」香港站，正式登陸銅鑼灣Fashion Walk，姊妹個個聽到都話要去「朝聖」。

上星期獲邀參加呢場派對，梗係要開心迎接周末，話說一行入去Pop-up store，聽到節奏強勁嘅音樂，令人猶如置身搖滾派對。

行一圈就發覺CHANEL個派對好有心思，喺場內布置咗五個體驗區，可以試彩粧、指甲油、變身DJ玩音樂，一邊玩仲可以同朋友瘋狂selfie，氣氛非常hyper！花盡心思，旨在等粉絲們玩得開心，現場見到大家都玩得好開心，試完、玩完仲可以飲杯cocktail，同班姊妹傾下偈，簡直係perfect啦！

有人見黛安post相，問起點樣可以參加派對，差啲唔記得講，上網登記就得啦！派對即日至6月5日舉行，每日朝早11點至晚上10點，網上預約好就可以免費入場。聽完係咪心思思呢？快啲登入（http://chanel.com/-hongkong）登記啦！