杜莎夫人蠟像館同7仔合作 推71蚊入場優惠

香港杜莎夫人蠟像館第一次同7-Eleven合作推門票優惠，下星期三到7月11日，去7仔出示香港或澳門永久居民身份證或臨時居民身份證，$71買到原價$255嘅換票證一張，7月底前都可以入場。

另外，今個星期六到7月3日，喺蠟像館正門售票處買即日入場票，憑有效學生證可以享受$99入場優惠，同行好友仲有$1入場優惠�𠻹！蠟像館定期加入新名人蠟像，上個月有飾演福爾摩斯嘅英國演技派男神班尼狄甘巴貝治，7月5日有NBA「神射手」史堤芬居里，着住30號球衣嘅蠟像左手控球，充分捕足呢位連續兩年獲封NBA最有價值球員動感一刻。