手作人相聚大角咀 示範最新創意

7月1至3日大角咀利奧坊附近會有個別開生面嘅活動—「新舊咀咀碰」，近百個手作工藝人同新科技創客示範最新創意。原來活動係由棄高薪厚職創業嘅建築師陳麗喬發起，佢認為香港有好多充滿創意嘅年輕人同小企無法一展所長，萌生「一鳴空間」概念，希望社區更富活力。活動有好多主題，例如用香港非物質文化遺產吹糖技藝做題，等吹糖師傅鍾彩雲同研發3D吹糖機嘅麻省理工學生梁博然較勁，睇睇兩代糖人較勁有咩火花。想同創意之人相聚，可以致電6758 2915了解詳情。