7-Eleven ×《海賊王》 後日推10款霸氣索柏公仔

7-Eleven慶祝35周年，梗係要隆重其事，聽公關姊妹講，今次合作對象會係漫畫《One Piece海賊王》！一睇到相就覺得夠晒霸氣，10隻Chopper（索柏）着上海賊團員服裝，變身唔同成員，組成全球獨家「CHOPPER WORLD馴鹿海賊團」，好多個老友都話一定要儲。

聽講，後日（6月29日）開始，一連8個禮拜，就有得換1套10款嘅「海賊王CHOPPER WORLD公仔」，當中有4款別注版，包括主角路飛化身做Chopper嘅「索柏路飛」，聽7-Eleven公關姊妹講，路飛好難得扮自己嘅好拍檔，可以話係全球首見！除此之外，黛安留意到，別注版之一嘅「7-Eleven索柏」，用7仔主題顏色，夠晒特別！

講開又講，故事入面，一班海賊團員乘搭第一艘海賊船，相信大家都唔陌生，見唔到海賊船，好似差啲啲。7-Eleven深明呢一點，星期三朝早7點推出「GOING MERRY前進號」陳列架，喚起粉絲對前進號經典場面回憶。