神秘速遞員突襲喇沙 原來係碧咸！

周末時見到國際足球巨星碧咸訪港，大家都好八卦佢有咩節目，噚日收到公關姊妹嘅相，原來碧咸今次以adidas全球代言人身份，變身神秘速遞員，去咗喇沙書院送足球畀一班學生哥。

原來運動品牌adidas Hong Kong推出2016足球推廣計劃，希望培育更多有潛質嘅年輕球員。噚日adidas大中華區足球運動推廣大使Tom Byer以客席教練身份，同20幾位喇沙書院學界C組冠軍足球隊隊員進行足球訓練，碧咸把握機會喺球場突擊送驚喜。

足球巨星到訪，點可以送完禮物就走，見一班學生球員咁雀躍，碧咸一於同佢哋互動下，唔知有無教番多兩招絕招呢？公關姊妹話，碧咸仲特別送出30個親筆簽名adidas迷你足球畀學員做紀念�𠻹！