伍家謙：唔信賭錢會發達

大家都知道平和基金一直積極宣傳沉迷賭博嘅禍害，唔知過去呢幾日，大家有無留意，佢哋喺港鐵銅鑼灣站東大堂又舉辦咗新一次宣傳，就係「平和基金x Chocolate Rain主題路演」，主題係宣揚「健康生活不迷賭」嘅信息。

聽公關講，前新聞主播伍家謙都有出席支持，曾經有「體育新聞王子」之稱嘅伍家謙講起，以前做體育主持嗰陣，好多朋友鍾意問佢「今晚場波有咩貼士？」而佢每次都會答：「我無興趣賭，同埋對於任何有賭博成分嘅賽事，覺得好複雜，完全無概念。」伍家謙仲話，「唔信賭錢會發達，輸咗影響自己生活，仲會影響埋另一半同屋企人，根本無着數。」