德福VR遊戲 帶你挑戰非洲歷奇

運用VR（Virtual Reality，虛擬實境）技術嘅遊戲愈嚟愈多人玩，德福廣場都推出3個VR遊戲。3個遊戲按大膽程度，入門版係坐上開篷吉普車，戴住特製VR頭套，感覺好似置身馬塞馬拉大草原，用相機「捕捉」行過嘅動物嚟得分。遊戲設計師淘滿慈話，普遍人覺得VR遊戲只可以坐住玩，所以今次特登加埋汽車、吊橋等，希望提升咗遊戲真實感。

進階版嘅「步步驚心過吊橋」就用非洲維多利亞瀑布做背景，要以一路行一路救受傷兔仔去獲取分數，大家試玩時都大嗌好驚。最後挑戰版就係模擬強風底下操控滑翔傘，成功降落先算贏。