K11時裝藝術展覽 尋找靈感女神

每次K11有新展覽，都令人好有新鮮感，最近獲邀參觀FASHION MUSE展覽，中庭開始睇到設計師林振國同周志憶設計嘅6米高大型藝術裝置、到分布商場內藝窗中時裝設計師Toby Crispy嘅作品、再睇埋chi K11藝術空間7位藝術家同設計師嘅作品，感覺好貼題，睇到大家對時裝嘅演繹，尋找各自嘅靈感女神。

展品各有特色，其中品牌Lastbutnotleast創辦人Toby Crispy用A Zero Waste Upcycled做主題，喺K11藝窗展出8件被「升級回收」嘅西裝外套。Toby Crispy話展覽想做到「zero waste」（零消耗），除咗展品係用以前創作剩低嘅舊衣物，每個藝窗嘅backdrop、告示牌等都係upcycle材料。佢仲強調，展覽完結後，每樣材料都會搵一個去處，希望帶出舊物可賦予新生命呢個信息。咁有意義真係好值得大家親身行入商場，逐件慢慢欣賞。

此外，K11又邀請到英國著名時裝藝術家Leanne Claxton，設計一系列用花做靈感嘅絲巾同雨遮；同場加映，有中庭大型布置上、Leanne親手製作5幅用花做主題嘅油畫，取名「A Story of Flowers」，感覺優雅，相信有品味嘅姊妹都會好鍾意。