雨僑帶你 3日3夜玩盡新加坡

噚日去蘭桂坊酒店食tea，見到靚女藝人雨僑（Ava），原來佢啱啱去完新加坡拍短片，可以寓工作於玩樂，真令人羨慕！Ava話不嬲都鍾意新加坡，今次應新加坡旅遊局邀請，參與「請一日假玩盡新加坡」短片製作後，嘗試三日三夜吃喝玩樂行程之後，更加係愛上獅城。

黛安仲見到新加坡中國華南地區、香港及澳門區處長黃慶祥（Etienne），佢話今次推廣目的係要帶大家發現新加坡另一面，仲話年輕旅客把握長周末，絕對有另一番體驗。Etienne同黛安講，短片係同《晴報》合作之餘，佢哋仲一齊製作咗旅遊指南《請一日假玩盡新加坡周末》，有Ava親身體驗嘅行程實錄，仲集齊今年4月到12月，當地星期五到星期日各種精采節目，一本在手，邊個weekend想出發都得！

講起親身體驗，Ava話最難忘去聖淘沙玩高空繩索體驗：「原本好驚唔打算玩，點知着好晒裝備拍攝完，大家都鼓勵我試，試完先發覺，感覺好刺激，值得再玩！」想知Ava點樣盡情體驗新加坡，就要𥄫實facebook專頁「Your Singapore」